ХИЛИЙН ЧАНАД ДАХЬ ИТГЭМЖЛЭЛИЙН ҮЙЛЧИЛГЭЭ ЦАХИМ ХЭЛБЭРТ ШИЛЖИЖ, ИТГЭМЖЛЭГДСЭН ТӨЛӨӨЛӨГЧ МОНГОЛ ДАХЬ НОТАРИАТЧААС ХҮЛЭЭН АВНА

Хилийн чанадад суугаа Дипломат төлөөлөгчийн газрууд цахим нотариатын үйлчилгээг нэвтрүүлсэнтэй холбогдуулан иргэдийн баталгаажуулж илгээсэн итгэмжлэлийг Монгол Улсад хүлээн авах төлөөлөгч нь өөрт ойрхон байрлах аль ч нотариатчаас авах боломжтой боллоо.

Төлөөлүүлэгч иргэн итгэмжлэлийн зүүн доод буланд байрлах QR код болон үсгэн кодыг хүлээн авагчдаа илгээх бөгөөд уг кодоор нотариатч хэвлэж баталгаажуулж өгөх юм.

Үүнтэй холбогдуулан 12 дугаар сарын 01-ний өдрөөс өмнө үйлдэж гэрчилсэн итгэмжлэлийг ГХЯ-ны Консулын газраас, харин 12 дугаар сарын 01-ний өдрөөс хойш гэрчилсэн итгэмжлэлийг нотариатчаас хүлээн авах болсныг мэдээлье.