КОНСУЛЫН ТОЙРГИЙН НЭГДСЭН “ҮНДЭСНИЙ ИХ БАЯР НААДАМ”-ЫГ ЗОХИОН БАЙГУУЛАХААР САНАЛ СОЛИЛЦОВ.

Монгол Улсаас БНСУ-ын Пусан хотод суугаа Консул Цагаан-Өвгөний Жадамбаа "Солонгос Монгол соёл урлаг солилцооны нийгэмлэг"-ийн тэргүүн Ш.Хишигдалай, Б.Нямгарав болон Монголчуудын "Тулга" холбооны төлөөлөгч Ш.Хишгээ нарыг хүлээн авч уулзлаа. Тус төрийн бус байгууллагууд нь Пусан хот болон БНСУ-ын Өмнөд бүсэд ажиллаж амьдарч буй Монгол иргэдийн дунд соёл урлаг спортын чиглэлээр олон арга хэмжээ зохион байгуулж, Монголын соёлыг гадаад улсад сурталчлан таниулах ажилд хувь нэмрээ оруулдаг байна.

Уулзалтаар Монгол Улс болон БНСУ-ын хооронд дипломат харилцаа тогтоосны 35 жилийн ойд зориулан тус Консулын тойргийн нэгдсэн “Үндэсний наадам”-ын арга хэмжээг зохион байгуулахтай холбоотой асуудлаар санал солилцлоо.