“ЧҮНХЮУЕЭ” ТББ-ААС ЗОХИОН БАЙГУУЛСАН ШАГНАЛ ГАРДУУЛАХ ХҮНДЭТГЭЛИЙН ЁСЛОЛД ОРОЛЦОВ.

“Чүнхюуеэ” ТББ-ын санаачилгаар Пусан хотын захиргаа болон Олон Улсын сонин хэвлэл мэдээллийн байгууллагатай хамтран жилийн эцсийн шагнал гардуулах Хүндэтгэлийн арга хэмжээг 2024 оны 12 дугаар сарын 12-ны өдрийн 18 цагт Пусан хотын Лотте зочид буудалд зохион байгуулагдав. 

Тус арга хэмжээ нь “Эх орон, эцэг эх, байгаль дэлхийгээ хайрлах” агуулгын хүрээнд дэлхийн 171 оронд суралцаж буй бага, дунд, ахлах ангийн сурагчдын дунд зохион байгуулсан “Үнэнч байдал, үр хойчдоо үнэнч байх” сэдэвт зохион бичлэгийн уралдаанд шалгарсан сурагчдад шагнал гардуулав. 

Мөн эх орон, эцэг эх, байгаль орчноо хайрлах чиглэлээр тухайн жилд амжилттай ажилласан иргэдийг шалгаруулж шагнал гардуулсан ба энэ удаагийн "Найрамдалт, нөхөрсөг харилцаа, энх тайван"-ны нэрэмжит шагналыг Монгол Улсаас Пусан хотод суугаа Консул Ц.Өнөрзаяад гардуулав.