САЙН ДУРААР НУТАГ БУЦАХ АЯН ХЭРЭГЖИЖ ЭХЭЛЛЭЭ.

БНСУ-ын Цагаачлалын албанаас тус улсад хууль бусаар оршин сууж буй гадаад иргэдэд зориулж сайн дураар нутаг буцах аяныг 2024 оны 09 дүгээр сарын 30-ны өдрөөс 2024 оны 11 дүгээр сарын 30-ны өдрийг хүртэл хэрэгжүүлэхээр болов. Дээрх аянд хууль бусаар хил нэвтэрсэн, хуурамч паспорт, бичиг баримт ашигласан, эрүүгийн гэмт хэрэгт холбогдсон, Цагаачлалын байгууллагаас гаргасан нутаг буцах шийдвэрийг үл биелүүлсэн иргэн хамрагдах боломжгүй юм.

Сайн дураар нутаг буцах аяны хугацаанд нутаг буцсанаар замын хөдөлгөөний зөрчлийн торгуулиас чөлөөлөгдөх, хилийн хориг тавиулахгүй байх, 17 наснаас доош хүүхэдтэй хамт явах тохиолдолд торгуулиас чөлөөлөгдөх зэрэг давуу талтай юм. Сайн дураар нутаг буцах мэдэгдлийг хамгийн багадаа ажлын 3 өдрийн өмнө хийнэ.